E ono lē toe vaaia nisi o taumafa o loo gaosia e le kamupani a le Sanitarium ona e lē o toe fiafia iai le toatele o tagata faatau.
O le masina o Iuni o le tausaga a sau lea ua fai mai le Sanitarium o le a taofia ai le gaosia o nisi o cereals ona o lea ua sui foi taumafa e fiafia iai le toatele mo taumafataga o le taeao.
Pau oloa e lē o suia o le gaosia pea lea o le Weet Bix, Weet Bix Bites ma le UP & GO.
O se fuafuaga afai ae taunuu o lona uiga o le a alu ai foi ma le to’a 49 o tagata galulue i totonu o le 15 masina o i luma.
O le Sanitarium ua lata nei i le 125 tausaga o ia tautuaina e lē gata i pisinisi Niu Sila ae faapea faalapotopotoga eseese i totonu o le atunuu.
