Ua toe tolopo foi le fonotaga a le minisita o a’oga Erica Stanford ma lona sui David Seymour, lea e talanoaina ai le polokalame o loo faia ai mea’ai a fanau a’oga.
O le Aso Lua lea na muamua ta’u e feiloa’i ai ma toe tuu mai ai ananafi faaafiafi, peitai e le’i mafai foi ona faataunuuina.
Ua fai mai ai le minisita o a’oga, ona o lea e ave le faamuamua i le polokalame lenei o loo faia ai mea’ai a fanau a’oga o lea ua toe vaavaai ai ia feiloa’i i se taimi vave.
Ae mai ia Seymour lea e mamafa iai le polokalame lenei, o se vaiaso pisi tele lenei ma e lē faapea o le a lē feiloa’i, o lea lava e taumafai atu ai.
E oo mai i le taimi e tuufaatasia ai tala o le taeao e le’i toe faailoaina mai poo afea lea ua tolo iai lenei feiloa’iga.
Puna o Faamatalaga: Education Minister’s school lunches meeting with David Seymour delayed again | RNZ News
