O lea ua i’u lava ina tapē e le iunivesite o Massey faiga faatekonolosi na mata’ituina ai fanau aoga o loo su’e atu i le fale a latou su’ega, ona o le faaauau pea ona aafia ai o su’ega a fanau aoga.

E leai se su’ega online na mafai ona faia i le aso ananafi ona o le faaletonu o le system lea e faaaogā ai le camera o le masini komepiuta e iloa ai pe lē o kopi i taimi o su’ega.

Na lipotia e lē o le uluai taimi lea ua aafia ai su’ega a fanau o loo su’e atu i tua ma i le aso ananafi e uma ona lē mafai ona log in fanau aoga online, ae sosoo ai ma le log in atu ae ese le igoa o loo sau i luga o le system.

Sa faia ai ma le faaiuga a le iunivesite ananafi ma fai mai o le a tapē le system mo vaiaso e lua o su’ega o loo faasolo, ma o se faanoanoaga tele.

Pe ā ma le 2,000 fanau aoga a le iunivesite na aafia ai foi i le faaletonu lava lenei i le Aso Gafua, e ese ai le isi 2,000 na faatulaga mo ananafi.

O fanau na lē oo su’ega ananafi o lea ua toe tolo mai e faia i le 12 i le aoauli o le asō.

Puna o Faamatalaga: Massey University turns off system monitoring cheating as outrage grows on cancelled exams | RNZ News