Ua fiafia le to’atele e masani ona faaaogāina auaunaga i trains ina ua faalauiloa mai ua lē oo solo tetee sa fuafua e faia a le aufaigaluega ma le iuni o tagata faigaluega i trains lea sa fuafua mo le faai’uga o le vaiaso e amata i le asō.

Fai mai ua faia lea faai’uga i le mae’a o feutana’iga i le va o le Iuni ma le faigamalo a NSW ma o lona uiga ua toe foi lava i le tulaga masani auaunaga a trains i le asō e aga’i atu i le Aso Sa o muamua.

O lona uiga foi ua aveesea nisi o sā sa fuafua mo le isi 2 vaiaso o lumana’i e le aufaigaluega.

Ua lipotia sa auai ai le Premier o NSW, Chris Minns i le fonotaga ma le iuni i le aso ananafi ma ia faailoa ai ua taunuu i se maliega feutana’iga na faia ae e faaauau pea talanoaga mo se maliega faaumiumi i le tulaga tau totogi. 

Ua faafetaia e le sui o le Iuni le RTBU NSW le Premier i lona auai i le fonotaga.

E 24 itula la ua toe faaauau ai malaga a trains i le faai’uga o le vaiaso o lona uiga ua lē taunuu le taofia o faigamalaga e pei ona fuafuaina.

Ua ta’ua o isi vaega o totoe o le finauga e aofia ai totogi o le a faaauau pea ona faatalanoaina. 

Puna o Faamatalaga: https://www.9news.com.au/national/sydney-train-strikes-shutdown-averted-after-crisis-talks-between-union-and-nsw-government/8ca1dd89-3f3e-492b-8f48-e988aeba8708