E lei mafai ona faataunuuina taaloga o sailiga siamupini a le taitoafitu i le lakapi sa faia i Brisbane mo le lua aso, Aso Toonai ma le Aso Sa ona o le faaletonu o le tau.
O le Oceania Rugby Sevens Challenge na amata i le Aso Toonai na tea nei i Brisbane ma sa malaga mai ai le ‘au taitoafitu a tamaitai a lo tatou atunuu le Manusina. O le faamoemoe na aofia ai ‘au e 8 a le itupa o alii ma le ono mai le itupa o tamaitai.
Mataina le taumafai a le Manuina lea sa tatau na finau ma Papua Niu Kini i le Ipu autu peitai e lei mafai ona faataunuuina lea taaloga ona o tulaga faaletonu o le tau i le afiafi o le Aso Sa.
Ua faailoa mai e le faiaoga o le ‘au i talafou ua tuuina le manumalo ia PNG lea sa latou faiaina ai i taaloga amata lona uiga o le Manusina ua mauaina le tulaga lua o lea tausinioga ma e toe taliu i Samoa le ‘au i le Aso Lua.
E lei mautu mai se faamatalaga i ‘au a le itupa o alii ae o le 7 a Ausetalia faapea foi ma ‘au a le atu Kuki, PNG ma Tonga sa tulaga maualuga foi a latou taumafaiga.
O nisi nei o avanoa tāua mo le faaleleia atili o le tomai i taaloga taitoafitu ma sauni ai foi ‘au mo le sailia o ni avanoa e tausinio ai i taamilosaga a le lalolagi i le faagatama o le lakapi taitoafitu.
