Ua lē manuia le taumafai a lē sa avea ma Premier o NSW i tausaga ua mavae, Gladys Berejiklian, e faamamā lona igoa i le faamasinoga i mataupu na ta’ua ai sa lē sa’o lona faatinoina o faai’uga a o avea ma Premier.
O le Faamasino Sili o Andrew Bell na faailoaina mai le faai’uga lea i le asō ma faatumauina ai suesuega sa faia lea na iloa ai sa soli e Berejiklian le faatuatuaga o tagata lautele sa tuuina ia te ia.
O le va o le 2016-2018 sa avea ai Berejiklian ma teutupe ma mulimuli ane avea ma Premier na ia ioeina ai le tuu atu o le 5.5 miliona mo le asosi a le Australian Clay Target Association i Wagga ma le 10 miliona mo le Riverina Conservatorium of Music a o feta’ua’ina ai sa la faanunumi ma le faipule o le itumalo lea o Daryl Maguire.
Puna o Faamatalaga: https://www.9news.com.au/national/gladys-berejiklian-corruption-appeal-daryl-maguire-relationship/a42c6a2d-6c8b-47ba-89a7-08309fd2ea81
