Mai le Pasefika ua faailoa le le fiafia o le Soofaatasi le Refugee Action Coalition ile agai ese o Ausetalia mai ana matafaioi mo tagata sulufai na o latou tuuina I Papua New Guinea. Fai mai le RNZ Pacific o le vaiaso talu ai na folafola ai e Ausetalia e oo atu I le faaiuga ole tausaga nei ole a faamuta ai le maliega na faia ma PNG e faatatau i le nofoaga faasala I lea atunuu.
O lenei faiga na faiai iai faaiuga a le faamasinoga I PNG I le lima tausaga talu ai, e faapea e faasolitulafono peitai e 124 tagata o loo iai pea I lea nofoaga. Fai mai la le vaega lea a le Coalition e leai se naunautaiga o PNG e latou te vaaia tagata nei pe sailia foi nisi atunuu e aveese atu iai I latou ia.
O le masina na tea nei na sainia ai e Ausetalia ma Nauru seisi maliega e faaauau ai ona faagaioia le latou detention facility poo le nofoaga faasala lea , ua nao i le nofoaga o le a tuuina iai e Ausetalia tagata o loo taumafai e agai atu faasolitulafono I le atunuu.
