O le kulupu faaigoaina o le Blind low vision NZ ua o latou taua o le felanulanuai o teuteuga ile alatele I Takapuna ua fai si lamatia ai o latou. O le kulupu lagolago mo I latou e po le vaa ua faitioina ia teuteuga, o se vaega o le auala lea e 400 afe na faaalu ai.
O le faataitaiga poo le trial e pei ona faia ina ia faaleleia ai auala I Huron ma Northcroft lea e taua e le Pulega a Aukilani e fai si savili ma le saogalemu ma le lelei foi mo tagata femalagai.
O Iuni na amata faatino ai ia galuega ma e aofia ai le valivalina o nisi o vaega o le alatele ma le alasavali.
E fai si tele o suiga ua iai I le vaaiga I le auala ona o galuega fou ia e pei ona faailoa I le Newshub ma mai le 400 afe o loo faagaioi ai lea galuega, e 100 afe na faaalu ile makaina o le alatele.
Peitai fai mai le kulupu lea o ia faiga felanulanuai e matuai lamatia ai tagata e po le vaai pe itiiiti foi sina malamalama I le silasila, low vision, ona o le felanulanuai lea e ono faaseseina ai le silasila a I latou ia ile alatele.
Fai mai a latou e tatau ona aveesea tusigaata ia felanulanuai o loo faia I autafa o le alatele ma ia aua nei iai ni valivaliga I vaega e kolosi ai tagata I le alatele. Fai mai ma leisi a latou mau e lei tapa se finagalo o le kulupu I nei suiga fou.
Ua faailoa mai lea lipoti I le maea foi ona agiga nisi o faasea mai tagata aukilani agai ile Coouncil ile tupe faaalu e maka ai le alatele.
Fai mai se sui ole poloketi ua fiafia ua maua ane se feedback mai le kulupu lea e faatatau I le poloketi.
