O loo faaauau pea ona mafatia tagata galulue i le Emergency Department (ED) i le falemai i Aukilani i le to’agaogao o le aufaigaluega, ma o lea ua tusi ai i le pulega.
E silia ma le 150 tagata galulue na sainia le tusi aloaia na fai, e aofia ai fomai, tausi soifua faapea healthcare assistants.
I lea tusi o loo lapatai ai le pulega i le faaauau pea ona soli o le faatapulaa e tatau ona iai le numera o tagata galulue, ma o le faaauau ai pea ona lē ausia e avea lea ma avanoa e lamatia ai le saogalemu o le aufaigaluega faapea gasegase o loo sulu atu.
O le faia ai o le tusi aloaia, o le isi lea sitepu ua agai iai le aufaigaluega, i le mae’a faaauau ai pea ona faila lipoti ua ta’ua o incident reports, ae leai lava ma se uiga.
O le manaoga o le aufaigaluega, ia toe faafoi i le acute ratio o le toatasi le tausi soifua e vaaia gasegase e toafā, ma o loo faatalosagaina ai foi le omai o clinical staff mai isi vaega o le falemai e fesoasoani pe a pisi tele le ED.
Ua lipotia foi e iai taimi ua lē mafai ai ona faia ni malologa a le aufaigaluega ona o le pisi tele, faapea ai ma le lē mafai ona ave aso livi.
Mai le Health New Zealand, o loo galulue nei i itu e tatau ona faaleleia.
