O lagona le amanaia e le malo ua iai nei tagata galulue I Marsden Point ao loma ai le faaiuga o le a vaea ai le tele o galuega ale Refining NZ
O le Refinery I matu o le atunuu e na o le pau lea o le nofoaga o loo sau ai le suauu mai fafo ma faamama ai, peitai ua sau tala o loo vaavaai e tapunia le Refinery ae sau sa’o mai fafo le suauu
O se suiga tele o loo sauni ai le palota e faia a taeao a faatonu o le kamupani e iloa ai pe faaitiitia tagata galulue mai le 300 I le 60
O le fono a le aufaigaluega ma le iuni ananafi na faailoa ai e le toatele lo latou le fiafia I le auala o loo faagaioi ma faatalanoa ai le ono le toe iai o le Refinery
O le toatele ua faailoa le faigata ona maua o ni avanoa faigaluega I Whangarei, ao isi o le le fiafia lava I le vaavaai e tapunia lea nofoaga e aunoa ma se fuafuaga mo tagata faigaluega
Ese mai I fuafuaga ma tagata galulue o le a leai ni galuega pe a taunuu ona tapunia le refinery, ua lapatai le faaulu o le Northern Strategic Policy Centre I Ausetalia, Dr John Coyne, I le le lava tapena o le faaiuga ua iai pea fua I suiga o le maketi ma le lalolagi ua iai talu na sau le Koviti
Toe faamanatu John, afai ae tapunia le refinery e tasi a Niu Sila, o lona uiga o le a o tatou faamoemoe tasi I kamupani suauu latou te faia le mea tonu, ma o se tulaga fesiligia lea
