Ua laveaina mai fanau aoga Aukilani na leiloloa a o iai i le vao.

E 16 i le 17 tausaga le matutua o fanau aoga e toalima na alu la latou malaga i le po o le Aso Gafua e amata mai Piha ma o lea na faamoemoe e tatau ona toe foi ane i le nofoaga e feiloai ai i le aoauli ananafi.

O le lei foi ane o i latou nei na valaau ai loa leoleo i le afiafi ananafi pe tusa lea o le ‘afa o le ono ma amata su’e ai loa.

Mai lea taimi o le afiafi faato’ā maua i le te’a laititi o le 12 i le vaveao analeila ma e faafetaia o loo saogalemu uma.

I lipoti mai leoleo i le taeao nei, e ono iai lava mea faapea e tutupu a o iai fanau aoga i suesuega i tua ma e lē o vave tuua’ia e le ofisa le aoga ona o le mea ua tupu.

Puna o Faamatalaga: School students rescued from West Auckland bush overnight (1news.co.nz)