Ua maliu lava i le maota gasegase si tamā e 87 tausaga na lavea i le taavale i le itu i Matu o Sini i le Aso Gafua o le vaiaso nei.
O faamatalaga a leoleo ua ta’ua ai na lavea i Sherbrook Ave poo le ‘afa o le 10 i le taeao i le faaitu o Hornsby.
Na valaau ane ai le vaega o le fesoasoani faavavave ma togafitia ai e paramedics le tamā matua ma ave atu ai i le Royal North Shore Hospital i se tulaga tigaina.
Na logoina leoleo i le po anapo ua maliu le tamā matua ae o le avetaavale o le taavale na lavea ai e le’i afaina.
E 34 tausaga o le avetaavale ma ua faamautū mai e leoleo o loo faagasolo nei le su’esu’ega i lenei faalavelave.
Puna o Faamatalaga: https://www.9news.com.au/national/man-dies-after-struck-by-car-hornsby-nsw/d4c2cdd0-5703-4ca9-9f48-f274f50f7032
