E na o le 15 tausaga le matua o le teineitiiti na lavea i se taavale i le North Coast o le setete o Niu Sa Uelese i le asō, na valaau ane ai le fesoasoani faavavave i le faalavelave lea i luga o Bruxner Highway i East Lismore poo le 5 i le afiafi ananafi, ma ta’ua ai o se tagata na savali ane i le auala ua lavea i se taavale.
Na ta’ua i le lipoti sa taumafai nisi na iai i lea nofoaga e fesoasoani i le teineitiiti na lavea seia oo ina taunuu atu paramedics ma ave ai loa i le falema’i, peitai na maliu i se taimi mulimuli ane.
Ua tuuina atu se lipoti i le coroner ae ole avetaavale o le taavale ua feta’ua’ina na lavea ai o se alii e 42 tausaga na ave foi i le falema’i mo le faia o siaki.
Puna o Faamatalaga: https://www.9news.com.au/national/teenage-girl-killed-by-car-on-nsw-north-coast/cc31dc1d-7b73-447a-97ca-1288dbe04e2d
