Ua lapataia tagata e iai lole sa foa’ia i le Auckland City Mission ma sa tufatufaina i paso o taumafa mai lea faalapotopotoga ae o loo masalomia o ia lole o loo aofia ai ma se vaega o le fualaau faasāina o le aisa.
Fai mai lipoti aupito lata mai o se isi o ia lole e pei ona ta’ua na faia iai su’esu’ega i se tasi o lole ma iloa ai o loo aofia ai ma se vaega o le aisa, o le brand o le lole lea pineapple o le Rinda e lanu samasama le pepa ma sa ono aofia ai i afifi o taumafa sa foa’iina i tagata e le Auckland City Mission i nai vaiaso ua tuana’i atu.
Ua talosagaina tagata na ave iai ia afifi pe ua mauaina foi ia lole ia vave ona fesoota’i ane i le 111 ma aua ne’i taumafaina.
O lole na foa’i ane e se tasi mai le komiuniti e lē o iloa tonu poo ai.
O āuga o ni aafiaga mai ia lole e aofia ai le tiga o le fatafata, tātāvale o le fatu, oso se faamaalili ma tau matapogia.
O se lipoti aupito lata mai i le asō ua ta’ua ai e to’a 8 aiga o loo aafia i ia lole ae o loo manuia ma se faamatalaga mai le NZ Drug Foundation e faapea, o lole nei pe ā ma le $1000 i le lole e tasi ma e foliga o se operation e aumai faananā ai fualaau faasāina i le atunuu ae ua sese ona faatino.
Puna o Faamatalaga: https://www.1news.co.nz/2024/08/13/lollies-with-lethal-levels-of-meth-distributed-in-food-parcels/
