Ua lapata’ia tagata malaga i le faai’uga umi o le vaiaso nei ina ia nofo silafia e ono iai ni faatuai ma suiga i faigamalaga aemaise i malaevaalele tetele ona o solo tetee o loo faia a nisi o le aufaigaluega i malaevaalele.
O tagata faigaluega o loo faafaigaluegaina e le kamupani o le Dnata ua amata i le asō ona aga’i ese ma galuega mo le ta’ifā itula i Sini, Brisbane, ma Melepone ona o se mataupu ua leva foi ona faatalanoaina e faatatau lava i totogi.
E ui e lē aafia ai auaunaga a le Qantas i le domestic fai mai kamupani vaalele o loo iai vaega ua faatulaga mo ana faigamalaga faavaomalo mai le malaevaalele i Sini, peitai ua ta’ua o le a ono iai ni aafiaga i isi auaunaga i kamupani e pei o le Emirates, Singapore ma le Japan Airlines faapea foi ma le Delta.
O loo ta’ua ua silia ma le tausaga o faatalanoa le mataupu a tagata faigaluega nei, peitai e lei iai lava se tali.
Puna o Faamatalaga: https://www.9news.com.au/national/airport-workers-began-strike-action-at-major-australian-airports/243df9d0-b9d5-441d-ae07-af10a2d02a1a
