Ua tuuina atu e le vaega o tiute le uluai lapataiga I se tasi o pasese faimalaga mai atunuu I fafo e le I sau ma se faamaoniga e negative lona siaki o le Koviti
O lea ua aloaia le tatau ona faamaonia sa faia le siaki o le Koviti ma e negative I totonu o le 72 itula mo pasese uma mai Amerika ma le United Kingdom
Peitai o le na taunuu mai e aunoa ma se faamaoniga na tuua le United Kingdom I lalo o se malaga faafuasei ma o lea na lapataia ai ae e le o faasala
O le aso 29 o le masina nei lea o le a aloaia le faasalaga tupe e oo atu I le $1000 mo I latou e taunuu e leai se faamaoniga e negative siaki o le Koviti
O lea foi e le o toe mamao ae faalautele atu I isi atunuu uma o loo faimalaga mai ai pasese mai atunuu mamao le moomia ona faailoa o siaki e negative o Le Koviti faatoa feosofi luga o le vaalele, e pei ona faailoa mai I le Aso Lua o le vaiaso talu ai, ma e le o aafia Ausetalia, Antarctica ma le Pasefika I le faia o nei siaki Ese ai I siaki e faia e lei tuua atunuu mamao mo Niu Sila, o le a faia siaki o le Koviti I le uluai aso e taunuu mai ai fanua
