Ua sau le lapataiga e tapena o le a alu i luga le tau o aano o manufasi faapea le tele o fua o faatoaga.
O le lapataiga lea mai le aufaifaatoaga ona o le alu foi i luga o le tau o a latou auaunaga.
Mai ia David Clark o le peresetene o Federated Farmers, o le alu i luga o meatoto ma le tele o mea o loo moomia e le aufaifaatoaga ua mafua ai.
E le gata i lea o le faatuai o uta meaai pei ona faga ai i luga i le 30 i le 40 pasene le tau o le wheat talu mai ona amata le taua i Ukraine.
O le sau o lea lapataiga e lē o iloa poo le ā le umi o le a taugata ai, ma ua taumate e nisi o le a oo i se tulaga faigata le taugata o meaai.
O le taugata ua lapatai mai e le aufaifaatoaga e faapea o se siitaga e le’i vaai muamua iai tagata faatau Kiwi.
