Ua lapatai mai le kamupani tau malosiaga faaeletise ma kesi, le Vector i tagata o le a ono agai i luga pili moli a le toatele pe afai ae le puleaina lelei le suiga lea agai atu i malosiaga faafouina ina ia faaitiitia ai aafiaga i uiga o le tau.
O taavale alu i le eletise faatasi ai ma le suiga e fia faia i coal boilers i falegaosi oloa o nisi ia o vaega tāua o le poloketi tele lea o loo faamoemoe e faaitiitia mai ai kasa oona i le siosiomaga ma isi ona aafiaga.
Fai mai le Vector e ao foi ona faaeteete i le soona faaalutele o le malosiaga e maua mai le la ma le savili e aunoa ma se inivesi e faia i auaunaga faatekonolosi e faatonutonu ai manaomiaga i taimi e tele ai le faaaoga, e pei o se faataitaiga i le taimi e fafaga ai maa o taavale eletise.
Ta’ua e le Vector afai e le lelei ona puleaina ia tulaga o le a fafa foi le mamafa o tau e totogi i luga o tagata poo consumers.
