Ua lapatai mai le AA poo le Automobile Association e ono faaopoopo foi se isi 40 sene i le tau o le penisini pe a oo atu ia Iulai.
Ua faailoa mai lea tulaga ma ta’ua ai ona o lea o le a toe faia lafoga i le fuel atoa ai ma le tau ua faatauina ai le paelo suauu ua siitia pea, o lona uiga o le a faaauau pea ona siitia le tau totogi.
Na saunoa ai le sui o le AA, Terry Collins o le tulaga e ao ona silafia e foliga mai o loo saili e le OPEC le faatumauina loa o le tau maualuga o le crude oil ma ailoga a toe iai nisi tau pa’ū o le suauu.
Saunoa le Palemia o Chris Hipkins i le faatalanoaga i le AM i le vaiaso nei e leai se pule a le malo i le faatonutonuina o le tau o loo faatauina ai le suauu i le va o malo.
