E foliga ua see ese mai Ausetalia mai ia Amerika ma Isaraelu i le faiga o le palota a Malo Aufaatasi e faatatau i le mataupu e aofia ai Isaraelu ma Palesitina.
Ua ta’ua i le asō i le ABC ua lagolagoina e Ausetalia se draft poo se tali faata’ita’i a Malo Aufaatasi mo le faatumauina pea o le faaaogā e Palesitina o alamanuia faalenatura i nofoaga ma teritori o loo aumau ai.
E 155 atunuu ua lagolago i le draft resolution lea e aofia ai Ausetalia, UK, Niu Sila, Farani, Siamani ma Iapani.
O loo tetee iai Amerika ma Isaraelu.
O lona uiga la o le isi laasaga e sosoo ai o le tuuina atu loa o lea draft i le UN General Assembly e faia iai le latou iloiloga.
O loo aofia ai i lea tusitusiga le taofia o Isaraelu mai le faaleagaina o mea o le siosiomaga e pei o le suavai, ma sootaga tau eletise ma ia taofia lo latou aveina o fale ma faatoaga a Palesitina.
Puna o Faamatalaga: https://www.abc.net.au/news/2024-11-15/australia-backs-un-palestine-sovereignty-land-water-electricity/104603318
