Ua lagalagā ni finagalo o tamaitai taaalo lakapi e faatatau i smart mouthguards ia ua faaaogā nei i le taaloga.
Fai mai latou ua leva ona o latou faaaogāina mouthguards fou ia ae lē o mautu so latou manatu o loo atoatoa ona lelei.
O tamaitai taaalo i le Black Ferns ma le taamilosaga le Farah Palmer Cup sa o latou faaaogāina mouthguards ia o loo iai se chip i totonu e mafai ona iloa ai le taimi e afaina ai le ulu.
Faatoa amata faaaogā e alii lea ituaiga mouthguard i le vaiaso na tea nei ina ua amata le Super Rugby Pacific ma ua lipotia sa lāgā foi ni popolega.
I lalo o tulafono a le Lakapi a le lalolagi e tatau lava ona faaaogā e tamaitai le smart mouthguard lea.
