Ua teena e le tuāfafine o le taitai o Korea i Matu o Kim Jong Un faamatalaga a Korea i Saute e faapea, ua aveese e Korea i Matu nisi o faaleotele leo i le tuaoi o atunuu e lua ma o loo taufaifai atu i le faigamalo a Korea i Saute .
Lipotia i le CNN se faamatalaga mai Korea i Saute i le faaiuga o le vaiaso talu ai e faapea ua o latou maitauina le aveesea o speakers ia ina ua mae’a foi ona aveese mai a latou masini faaleotele leo i le faaitu lava lea.
O le tuāfafine la lea o Kim, le tamaitai o Kim Yo Jong na ia faailoa o faamatalaga mai le tuanai e faapea e le o iai se naunautaiga o Korea i Matu i le toe faaolaolaina o feutanaiga sa faia ma Uosigitone ma Seoul.
I se fonotaga a le kapeneta i le Aso Lua o le vaiaso nei na faailoa ai e le Peresetene o le vaega a le Liberals i Korea i Saute, Lee Jae Myung, na faaata ai faamoemoega ina ia toe faatino talanoaga ma fesootaiga ma ua tuuaia ai e Kim le faigamalo a Lee i le faaseseina o le lautele ma taua ai e le o iai lava se naunautaiga o Korea i Matu ina ia aveesea speakers e pei ona taua ma ia teena ai foi ma faamatalaga mai le au faasalalau a Korea i saute o loo taumate ai le ono faaaoga e le North o le vaiaso nei ile feiloaiga a Trump ma Putin e faaoo atu ai se feau i Uosigitone faaui atu mai Moscow.
Puna o Faamatalaga: https://edition.cnn.com/2025/08/13/asia/north-korea-kim-yo-jong-loudspeakers-intl-hnk
