Ua teena e le tuafafine o le ta’ita’i o Korea i Matu o Kim Jong Un, faamatalaga a Korea i Saute e faapea ua aveese e Korea i Matu nisi o faaleotele leo (speakers) i le tuaoi o atunuu e lua ma o loo taufaifai atu i le faigāmalo a Korea i Saute.

Lipotia i le CNN se faamatalaga mai Korea i Saute i le faai’uga o le vaiaso talu ai e faapea ua o latou maitauina le aveesea e Korea i Matu o ana speakers ina ua mae’a foi ona aveese mai e Korea i Saute a latou masini faaleotele leo i le faaitu lava lea.

O le tuafafine la lea o Kim, le tama’ita’i o Kim Yo Jong na ia toe faailoa faamatalaga mai le tuana’i e faapea e lē o iai se naunauta’iga o Korea i Matu i le toe faaolaolaina o feutana’iga sa faia ma Uosigitone ma Seoul.

I se fonotaga a le Kapeneta i le Aso Lua o le vaiaso nei na faailoa ai e le Peresetene fou o le vaega a le Liberals i Korea i Saute, Lee Jae Myung, na faaāta ai faamoemoega ina ia toe faatino talanoaga ma fesoota’iga ma ua tuua’ia ai e Kim le faigamalo a Lee i le faasesēina o le lautele ma ta’ua ai e le’i aveesea ma e lē o iai lava se naunauta’iga o Korea i Matu ina ia aveesea speakers e pei ona ta’ua, ma ia teena ai foi ma faamatalaga mai le ‘aufaasalalau a Korea i Saute e faapea, o loo taumate le ono faaaogā e Korea i Matu o le vaiaso nei i le feiloa’iga a Trump ma Putin e faaoo atu ai se fe’au i Uosigitone e faaui atu mai Moscow.  

Puna o Faamatalaga: https://edition.cnn.com/2025/08/13/asia/north-korea-kim-yo-jong-loudspeakers-intl-hnk