O Fepuari o le tausaga fou 2025 ua faatulaga e le faamasinoga o le a suesue ai moliaga e iva ua tuua’ia ai Laauli Magic Junior Laauli o se tamalii o loo faamalolo lē tumau mai lana galuega o se leoleo poo se Malu o le Malo, ma o loo ia umia le tulaga faaleoleo o le Satini.
O le Aso Gafua na toe tulai ai o ia i le faamasinoga maualuga ma faailoa ai e loia a leoleo e iva moliaga ua teena uma e Laauli.
O ia moliaga e aofia ai le faaoolima matagā, ma le faiaiga faamalosi i se tamaitai leoleo.
O loo tatala o ia i tua i aiaiga e pei o le taofia o lona tusifolau ma saini i le ofisa o leoleo e faatali ai le aso 17 o Fepuari o le tausaga a sau e amata suesue ai molimau.
