Ua ta’utino le Palemia o Isaraelu, Benjamin Netanyahu o le a ia faauma le galuega faasaga ia Iran faatasi ai ma le lagolago ane a le Peresetene o Amerika o Donald Trump.

Na faia le faamatalaga a Netanyahu i tafatafa o le failautusi a le malo tele o Marco Rubio lea sa asiasi ane i Isaraelu.

Fai mai le alii Palemia i masina e 16 ua tuana’i sa feagai ai Isaraelu ma faiga faatupu faalavelave a Iran ma i lalo la o le ta’ita’iga malosi a Trump e leai sona masalosalo o le a mafai ona o latou faauma le galuega.

E le’i mamao atu sa folafola ai e Trump le umia e Amerika o Gaza ma le aveesea mai o tagata Palesitina ae o lea la ua folafola e Netanyahu o le a galulue faatasi ma Amerika e faauma le galuega faasaga ia Iran.

Ua ta’ua e le CNN a o le’i faia le feiloa‘iga a le alii failautusi o Rubio ma Netanyahu, sa ia auai atu i le Misasā sa faia i le Church of the Holy Sculpture.

Puna o Faamatalaga: https://edition.cnn.com/2025/02/16/middleeast/heavy-bombs-israel-rubio-visit-intl/index.html