Ua talia I lalo o tuutuuga le faaaoga o le vailaau a le Pfizer/BioNTech mo tui o le fanau mai le 12 agai I le 15 tausaga le matutua
O le saunoaga lea a le tamaitai palemia, Jacinda Ardern ma ao talia faatalanoaga mulimuli na taua e Jacinda o le va I tausaga lea ua talia e atunuu e pei o Kanata, Amerika, Europa, Peretania ma Iapani le faia o tui
Faamatalaina e Jacinda o le faaiuga na faia ma le faaeteete a le Medsafe, ma na fua lea I suesuega faasaienitisi ma faamaumauga tau le soifua maloloina lata mai
Afai ae aloaia, o lona uiga e ono faia nei tui I tua I aoga e tusa ma saunoaga a le tamaitai palemia, ma e ono faia faatasi ma tui o le lautele o le atunuu lea e amata faasolo I le masina fou
Faamautinoa foi e Jacinda e le toe oka nisi tui a le Pfizer mo nei talavou aua o loo lava tui o loo iai I le taimi nei
E ui o lea ua ioe le Medsafe e faia tui mo le 12 agai I le 15 tausaga, o le isi laasaga lea e totoe o le folasia I luma o le kapeneta mo lana faaiuga aloaia, ma o loo fuafua lea e soalaupule I le vaiaso fou
Ae mo fanau 6 agai I le 11 tausaga le matutua, ua faailoa e le faatonu o le soifua maloloina, Dr Ashley Bloomfield o loo vaavaai nei iai
