Ina ua alu i luga le tau o le suauu i maketi faavaomalo e lei umi se taimi na va ai ae alu i luga le tau o le suauu i Niu Sila, peitai o lea ua pa’ū ae ua faatuai ona sau i lalo le tau o loo totogi.
O lagona ia o tagata Kiwi ma o lea foi ua ioe le komisi o pisinisi a o ia tulimataia ai foi.
Fai mai le komisi o pisinisi na vave tele ona mulimuli pamu penisini i le tau o le suauu ina ua alu i luga i maketi i fafo, peitai, ua lē tutusa la le vave o le tuu i luga ma le toe aumai i lalo a o toe sau ai i lalo le tau o le suauu.
Fai mai ai le komesina o le komisi, Bryan Chapple pe ā ma le vaiaso i le lua vaiaso lea e faatuai ai, ma i faatusatusaga a le komesina o se faatuai pe ā ma le $15 miliona i le tausaga lea o loo ova totogi ai.
A o tuai ai la ona toe sau mālie i lalo le tau e totogi mo le suauu i Niu Sila, o lea foi e faamuta i le aso mulimuli o le masina lenei o Iuni le lafoga o loo totogi ai nei e tagata Aukilani le 11.5 sene i le lita mo Auckland Regional Fuel Tax.
O le laga mai e le komisi o le tuai ona tuu mai i lalo o le tau o le suauu ina ia ogatasi ma tau o le suauu i maketi i fafo lea foi ua pa’ū, ua fai mai ai le pamu penisini a le Z Energy o lea ua sauni e faia tau fou talafeagai mo ana paaga.
Puna o Faamatalaga: Commerce Commission confirms NZ petrol prices fast to rise but slow to drop | Newshub
