E toalima tagata mai Indonesia ua ioe i o latou moliaga i le fagotaina faasolitulafono o ogasami o Ausetalia ma sa tutula’i i le faamasinoga i le Northern Territory i le asō.

Fai mai le lipoti o le aso 7 o Iulai o le tausaga nei na maua ai e leoleo a Ausetalia le vaafagota o i latou ia o fagota faasolitulafono i le tusa ma le 294km mai Darwin.

Na ave ai loa e leoleo le vaa faatasi ai ma le tusa ma le 50kilo o ‘apa’apa malie (sharp fin), 80kilo o le i’a faimātau ma isi auupega faifaiva.

Na taofia e leoleo le auvaa ma ave ane ai i Darwin, faaleagaina ai le vaa ina ua ave i le pa’umatu ae molia ai loa i latou ia.

I le mae’a ona ioeina o latou moliaga ua tatala ai i tua ma totogi tupe atoa ai ma aiaiga ua faatulaga iai ia tausia mo le isi tolu tausaga.

O le lipoti lata mai ua ta’ua ai ua toe faafoi uma atu i latou ia i Indonesia.

Puna o Faamatalaga: https://www.9news.com.au/national/five-indonesian-men-plead-guilty-illegal-fishing-darwin-northern-territory/ef494f78-2071-4b32-a929-9f840f17b3b4