Pe a male 10 afe niusila le tau aofai pe a faatupeina sikaleti poo tapa ana ave faagaoi e se alii faigaluega mai Otago mai lona fale faigaluega lea ua molia ai nei I le faamasinoga.
O loo lipotia I le stuff.co.nz ile aso na faaaoga e lea tagata faigaluega mai central Otago faamaumauga a le kamupani sa faigaluega muamua ai ma sailia ai le nofoaga o loo iai se loli o loo iai uta o sikaleti ma gaoia ai loa.
O Ross John Murdoch 30 tausaga mai Moa Creek na ia ioeina ona moliaga I le faamasinoga faaitumalo I Alexandra ile aso, moliaga o le faaaogaina o faamaumauga tau komipiuta faasolitulafono atoa ai ma le gaoi,
Na faatino lea solitulafono poo le kuata e tea ai le 10 I le po ole aso 29 o Oketopa ile tausaga talu ai I le lotoa o le Summerland Express Freight Yard I Cromwell lea sa faigaluega muamua ai lea alii. Faaiuga a le faamasino I le mataupu lea ua faatulaga ai e lauina le iuga I le aso 14 o Ianuari o le tausaga fou. E manatu nisi atonu o le a tea ai male soona naunau I le tapaa aua e le taumate e ono tofu ai I le falepuipui I lea gaioiga.
