O loo tatalo le taitai o Niue ia vave mai se aso e mafai ai ona feoai saoloto I le va o Niu Sila ma Niue
Ua faaalia e le taitai o le atunuu, Dalton Tagelagi I tala a le leitio Niu Sila, o loo faaauau nei faatalanoaga I le va o atunuu e lua e ala I le faia o se afuafu saoloto e femalagai ai tagata I le va o Niu Sila ma Niue e aunoa ma le tau faanofoesea
Faaalia e Tagelagi o le mafai ona faimalaga mai o tagata Niue I Niu Sila e le tau faanofoesea o se amataga lelei lea mo ia ma tagata Niue, ma e matua lelei tele ae amata I le ogatotonu o le masina fou agai ia Fepuari, talia ai le saolotoga o tagata mai Niu Sila agai atu I Niue poo le masina o Mati
E ui o loo tele fesoasoani mai isi atunuu aemaise lava Niu Sila mo Niue, ua saunoa le taitai o lea atunuu, e le o faigofie le taumafaiga o le tamaoaiga o Niue ona o le aafia o tupe maua mai turisi
Pau atunuu na faalauiloa e le tamaitai palemia ia Jacinda Ardern o le a tatala femalagaiga e aunoa ma le faanofoesea I le kuata muamua o le 2021, o Ausetalia ma le Atu Kuki
