O loo iai se misiona o loo taula’i iai le vaega faaupufai a le Leipa i le vaiaso nei ma le aga atu i le lumanai, ina ia toe manumaloina mai loto ma manatu o tagata Aukilani ma ua faailoa ai e le vaega faaupufai e lagona e i latou o loo aumau i le Supercity e pei ua lē faalogologo atu le Leipa i ni o latou finagalo faaalia a o lumanai ai le palota o le tausaga talu ai.
Na ta’ua i le Newshub se faamatalaga mai le ta’ita’i o le Leipa, Chris Hipkins, ua telē le lagolago a le Leipa ua lusi mai Aukilani i le palota talu ai ma ua tatau nei ona iai se suiga.
A o malolo ai le Palemene, ua faamaopoopo ai faipule i Tamaki Makaurau i le asō ma le aso a taeao e faia a latou fonotaga ma feiloaiga ma le aai.
Fai mai Hipkins o le tausaga lenei e mo le faalogo ma toe tomanatu ma ia maua nisi manatu lelei fou ae manaomia lava le taimi e mafaufau ai ma e faato’ā ono toe vaaia nisi faiga faavae fou mai le Leipa i le tausaga fou.
O loo galulue nei la le ta’ita’i ma le vaega faaupufai i le toe manumaloina mai o le aai tele a o lei toe faia le isi palota a le atunuu.
Puna o Faamatalaga: https://www.newshub.co.nz/home/politics/2024/07/labour-s-chris-hipkins-on-labour-s-bid-to-win-back-auckland.html
