Ua mae’a faalauiloa e le Palemia ua iai nei o Niu Sila o le faamoemoega muamua lava o le a tagofia e lana faigamalo o le faaleleia lea o le tamaoaiga, peitai fai mai i latou e popoto i auaunaga tau tupe, e ono fai si maualuga o le aega lea o le a aea e le Palemia.
Ua ta’ua o le faia o se faatatau e faataatia ese nisi vaega mai le public sector o le a fesoasoani i le tamaoaiga ae fai mai se tasi iuni o loo faatalitali nei le aufaigaluega mo auaunaga lautele e aunoa ma se silafia o se fuafuaga poo le ā foi le itu o le a faatino ai ia fuafuaga.
O le asō lea ua faatulaga ai le uluai fonotaga a lana Kapeneta ua feta’ua’ina ai le faataatia ane ai o se fuafuaga e 100 aso a le faigamalo le 100 day plan.
Fai mai Luxon o le latou galuega muamua lava o le faaleleia o le tamaoaiga.
