Ua mausalī le faai’uga a le malo e fau tunnels e lua ma toe faalautele auala ina ia vave ai feoa’iga a taavale i Ueligitone.
O se tasi lenei o poloketi i lalo o le polokalame ua ta’ua o le Roads of National Significance ma na saunoa le minisita o fela’ua’iga o Simeon Brown, o le a fesoasoani i le tuuitiitia o le poloka o auala atoa ma le faaleleia o le tamaoaiga o le aai.
O auala fau o ni ana ua faailoa mai o le tasi e fau i lalo o Mount Victoria, e tusa lea ma le 0.7km le umi, ae o le isi e fau faafesaga’i ma le Terrace Tunnel o loo iai nei, tusa lea ma le 0.5km.
I le vaai mamao o le a faaitiitia ai i le 30% taimi faatulagaina mo feoa’iga ma o le a vave ai foi le feoa’i atu i le malaevaalele, taulaga faapea ai ma le falema’i.
O lenei poloketi o le a faasolosolo lona faataunuuina, ma o loo taoto o le ogatotonu o le tausaga a sau e folasia ai i luma o le NZTA talanoaga i itu tau tupe faapea inivesi.
Puna o Faamatalaga: Two new tunnels: Simeon Brown reveals government’s preferred plan to lower congestion | RNZ News
