Ua iai fuafuaga a le pulega o le aai o Nelson o le a faatau atu le lua fale tetele o loo I totonu o le ogatotonu o lona taulaga agai I le Kainga Ora
O fale tetele nei o loo iai le faamoemoe o le a maua ai le oo atu I le 175 fale mo aiga o loo sulu I le malo mo ni fale taugofie
Saunoaga a le pulenuu o Nelson I tala a le leitio a Niu Sila, Rachel Reese, o lenei fuafuaga ua o se avanoa o le a mautinoa ai le maua o fale mo tagata, aemaise o loo iai I le taugata o fale mautotogi faapea le faigata ona agavaa I ni o latou fale motu
O le vaiaso fou o le a faapalota ai I luma o le fonotaga a le council, ma afai ae talia o le a tatala ai loa le avanoa e faaali finagalo ai tagata lautele
O le masina o Novema o le tausaga talu ai na faatau atu ai foi le 142 community housing a Nelson agai I le faalapotopotoga a le Kainga Ora mo le $19.8 miliona, ma e oo mai I le taimi nei ua silia ma le 1600 fale I totonu o Nelson ma Tasman ua I lalo nei o pulega a le malo tauala mai I le Kainga Ora
O fale tetele o loo faatalanoa nei lona faatau ese atu I le malo e silia ma le $5 miliona
