E oo atu i le faai’uga o le tausaga nei ua tatau ona ausia le ‘afa o le 2,500 o aoga i le atunuu ua faatulaga i sone e lesitala ai fanau mo aoaoga, enrolment zones.
O se faaaliga lea na faailoa e nisi o puleaoga i le Leitio faavaomalo a Niu Sila, e manaomia ona faatino ina ia pulea lelei ai le faatupula’ia o le aofai o tamaiti aoga ma e iai foi aoga latou te lē o taliaina lea faatatau.
O le faiga lea o le lesitala o tamaiti aoga i sone e faamautinoa ai o loo iai le avanoa o tamaiti mai lea vaipanoa poo vaipanoa tuaoi foi e auai ai i se aoga i lo latou faaitu.
Afai ae iai pea ni avanoa e totoe e mafai ona talia ai tamaiti mai fafo atu o lea sone.
O le folasaga a le matagaluega o aoga sa faia i le Malo na ta’ua ai o loo fuafua e oo atu i le faai’uga o le tausaga nei ua faaopoopo nisi enrolment schemes e 61 i le atunuu.
Ua ta’ua i le lipoti e iai aoga ua teena lea faiga ma le faamatalaga ua matuai tutumu aoga ona ua toeitiiti 600 tamaiti ae lē lava potu aoga.
Puna o Faamatalaga: https://www.rnz.co.nz/news/national/524483/more-than-50-percent-of-nz-schools-to-implement-enrolment-zones-by-this-year-amid-rapid-growth
