Atonu o le a ese foi se vaaiga i Sini pe a mautu nisi o fuafuaga mo le faalauteleina o nisi o fale tetele e umia e le aai ma o loo galulue ai le pulega faalotoifale.
O loo tuuina atu tauofoga mo ia galuega o ni fale tetele se lua ua ta’ua o le a fausia i le ogatotonu o Sini.
Fai mai o le a tutusa le uumi ma le Sydney Tower ma e tele pisinisi ma ofisa ua fuafua o le a aofia ai.
O finagalo faaalia o le a talanoaina i se fonotaga a le komiti o feagai ma lea faamoemoe e faia i le vaiaso fou ae fai mai se tasi o sooupu a le City of Sydney, o nei finagalo faaalia o se vaega uma o le Central Sydney Planning Strategy, o le uluai laasaga lea o le fuafuaga ua leva ona ta’u mo Sini.
Puna o Faamatalaga: https://www.abc.net.au/news/2024-07-18/nsw-sydney-cbd-tallest-towers-development-buildings/104112050
