Ua omai faatasi faalapotopotoga ma pulega i Aukilani e fono faavavevave i le mataupu ua iai nei le to’atele o talavou e leai ni fale.
O le fonotaga lenei na faia i Magele i maota o le Lifeskills ma o lea foi na valaaulia uma ai vaega faaupufai, e ui e na o le ta’ita’i tamaitai o le Green Party, Marama Davidson lea na auai.
Na faaalia ai e Davidson lona faanoanoa i le leai o se sui o le malo e auai, ma e faapea foi finagalo faaalia o nisi o ta’ita’i na iai.
Ua fai mai ai nisi e lē o faigofie le leai o ni fale e nonofo ai talavou, ma a tuu mai foi i fale o le malo lea e i lalo o faamalumaluga a le Kainga Ora, o lea e iai nisi ua aveese faamalosi.
Na faaalia foi i lea fonotaga o fale o loo maua mai i le emergency housing, lea e moni o loo mafai ona vave fesoasoani e tali mai peitai, e lē o se fofō lea mo se taimi umi.
E iai lava foi nisi na faaali finagalo e pei o le sui o le Manaaki Rangatahi, e lē o malilie i le auala o loo fesoota’i mai ai le malo ma le komiuniti i mataupu tau fale.
Puna o Faamatalaga: Emergency meeting held on youth homelessness in Auckland
