Ua folafola e le Ea Niu Sila o le a faamuta a latou auaunaga tuusa’o i le va o Ueligitone ma Invercargill e amata i le amataga o le tausaga fou.
I se pepa o faamatalaga mai le kamupani vaalele ua faailoa ai o loo iai le fuafuaga lea a le kamupani e amata i le aso 19 o Ianuari i le tausaga fou.
O le faai’uga e pei ona faailoa e le pule o auaunaga faalotoifale poo le Domestic, Scott Carr ua faia ina ua vaaia le tulaga o iai le mana’omia o le auaunaga i lea faaitu aemaise i tulaga faigata tau le tamaoaiga.
Ua ta’ua e le kamupani o le a iai pea faigamalaga e aga’i atu mai Invercargill aga’i i Ueligitone e ui atu i Kalaiesetete ma o loo iai foi le fuafuaga e faaopoopo nisi malaga i le va o Kalaiesetete ma Invercargill ia faamautū ai o loo lava ia auaunaga.
Puna o Faamatalaga: https://www.1news.co.nz/2024/09/30/air-nz-to-scrap-significant-regional-route-next-year/
