Ua folafola mai e le Centrelink o le penisiona o tagata matutua, fesoasoani mo tagata e iai aafiaga tumau ma peimeni e maua e i latou e tausia tagata poo carers o le a faaopoopo lea i le agai atu i le lumanai.
Fai mai le ofisa o le latou faanaunautaiga ina ia fai se faiga i le siitia o le tau o le soifuaga ma le inflation.
Fai mai o tagata e agavaa i le rent assistance poo le fesoasoani mo le totogi o fale mautotogi, tagata saili galuega poo jobseekers, single parents ma le Abstudy o le agavaa uma mo le siitaga o peimeni.
Ua faafetaia e le toatele e agavaa mo ia peimeni lea fesoasoani o le a iai foi sona aogā i le faamāmā avega ai i le atunuu i lenei vaitau o le soifuaga.
O le aso 20 o le masina nei e faamamalu ai totogi fou ia o peimeni mai le Centrelink.
