250,000 tui o le Koviti ua faailoa e Niu Sila o le a ia fai meaalofa ai ia Fiti
O le faasilasilaga aloaia lea mai le minisita lagolago o le soifua maloloina ma le va I fafo, Aupito William Sio faapea le minisita o le soifua maloloina a Fiti
I le talanoa ai o lea foai, o loo ioe faatasi minisita e toalua e iai sitepu e laasia muamua faatoa mafai ai ona kiliva atu le tui lenei o le ituaiga AstraZeneca, e pei o le tatau ona faamaonia muamua e le Medsafe o le talitonuina atoatoa faapea le mafai ona faaaoga e Niu Sila, ona faatoa momoli atu ai foi lea I Fiti
O Fiti o lea o loo ia faaaogaina nei le AstraZeneca mo ana tuiga ua faagasolo, ma o loo faaopoopo pea le fuainumera o cases faamaonia I le komiuniti talu mai le masina o Mati
E le o le uluai taimi lea ua agalelei atu ai Niu Sila ia Fiti, e pei ona muai tuuina atu iai masks, totigi lima ma isi meafaigaluega mo le puipuiga o tagata galulue I tuaoi ma nofoaga faanofoesea
