Ua faamauina pea le maualuga o le tulaga ua iai le atina’e o le taaloga siisii u’amea mamafa i lo tatou atunuu pe a masii i taaloga faavaomalo.
O le vaiaso ua mavae sa tausinio ai Samoa i sa’iliga siamupini a atunuu o le Oceania sa faia i Amerika Samoa, ma ua taliu mai ai alo o le atunuu sa tausinio ai ma pine e fitu, lea e lima pine auro ae lua siliva.
O pine auro e 3 a Samoa sa manumalo ai Shane Palemia i le vaega o le 97 kilokalama i le vaega o alii, ae o le 2 pine auro ma le pine siliva e tasi na manaumalo ai Gaku Akazawa.
O le isi pine siliva na manumalo ai Jeremiah Tipama’a.
O le faletupe o le National Bank of Samoa o le lagolago autū lea o ‘au siisii u’amea mamafa a le atunuu e lē gata o ‘au masii i fafo, ae faapea i le una’ia o le atina’e o lea taaloga.
