E talitonu se tasi o tagata a’oa’oina i totonu o FIti o taumafaiga a le Palemia o le atunuu Sitiveni Rabuka ia maua se lagolago i le Palemene e toe teuteu ai le faavae o le atunuu, o se taumafaiga faato’ā amata.
O le vaiaso talu ai na lē manuia ai taumafaiga a Rabuka i le sa’ilia o le tolu vae fa o sui o le Palemene e lagolagoina le suia o le Vaega 159 ma le 160 o le faavae aemaise o le sa’ilia foi o le aveesea o le faia o se National Referendum e faia.
E ui ua pasia le faitauga muamua o le pili lea i le lagolago a isi sui mai le Itu Agai peitai e le’i manuia le faitauga lona lua.
Fai mai Jope Tarai o se tasi o tagata sikola a Fiti ma faia su’esu’ega i le Univesite o Ausetalia, e fai lava si manino o le tulaga ua aliali e lē o le i’uga lea o taumafaiga a Rabuka ia toe teuteu le faavae o le atunuu.
Puna o Faamatalaga: https://www.rnz.co.nz/international/pacific-news/545072/watch-fijian-prime-minister-s-plans-to-change-constitution-might-take-a-while-academic
