Ua faailoa e le faigamalo a Fiti e ono auai ane le militeli a le atunuu e fesoasoani i leoleo i le faafoeina o le mataupu e faatatau i fuālaau faasāina.
Saunoa Pio Tikoduadua le minisita o le puipuiga a le atunuu ua talosagaina e leoleo le fesoasoani a le militeli ma o le ami o le a na ona fesoasoani ane foi.
Na ia saunoa foi i le atunuu e leai se tulaga e faapopoleina ai ma e tatau lava foi ona amana’ia tuaoi o tagata lautele ma le matafaioi a le militeli.
Ua ta’ua foi i le lipoti a le RNZ o loo feagai le atunuu ma faafaigatā i le faafaigaluegaina o ni leoleo aemaise i le vevesi o loo iai ona o fuālaau faasāina.
Puna o Faamatalaga: https://www.rnz.co.nz/international/pacific-news/540479/war-on-drugs-fiji-soldiers-may-be-deployed-to-assist-police-govt
