Ua sauni le puleaga o le Ekalesia Katoliko i le Puleaga a Samoa Apia, e faalauiloa i le Aso Tofi o le vaiaso nei, le filifiliga mai le Vatikano i Roma, mo le tofiga Aki Epikopō o le a avea ma ta’ita’i ma faauluulu iai le Puleaga.

O le masina o Aperila o le tausaga ua mavae 2023 na tuumalo ai le afioga Patele Alapati Lui Mataeliga sa avea ma Aki Epikopō mo le 21 tausaga.

O le taimi nei o le Aki Epikopō ua mālōlō manumalo i le mae’a o lana tautua i le vaaia o le Puleaga a Samoa Pago Pago, o Bishop Brown o loo vaaia le Puleaga a Samoa Apia.

Ua faailoa e ni molimau faatuatuaina o se tasi o tamafanau a le ekalesia Katoliko i Samoa ua faauu i le tofi ositaulaga ua filifilia e na te tauave le tofiga Aki Epikopō.

O le a faato’ā faailoa lona suafa i le Aso Tofi i le feiloaiga ua taloina ma tusitala e faia i le maota o le Tuutuuileloloto.