Ua filifilia nei lē sa avea ma Palemia o Niu Sila, Jacinda Ardern i ni fellowships se lua i le Iunivesite o Harvard i Amerika.
O fellowships o ni avanoa pupuu ua faatupeina mo tulaga o le faalauteleina o aoaoga ma ua faailoa i le RNZ ua filifilia Ardern i le 2023 Angelopoulos Public Leaders Fellow atoa ai ma le isi fellowship i le Berkman Klein Center for Internet and Society, i le aoga tau tulafono poo le law school.
Fai mai se faamatalaga a le Iunivesite, o avanoa nei e tuuina i taitai e maualuga le silasila iai i le agai mai o a latou auaunaga lautele e fesootai ma tamaiti aoga i le fausia o tomai ma le silafia i tulaga faataitai.
Saunoa Ardern ua lagona lona faamaualalo i avanoa ua faailoa ane o le a auai ai i le Iunivesite ma o se avanoa foi e faasoa atu ai lona tomai i isi, aoao foi ma tomanatu faataitai.
O le faaiuga o le tausaga ua lipotia o le a agai ai le tamaitai i ona tofiga ia ae o le 2020 na faatāua ai foi e le Iunivesite le sao o Ardern ma tuuina iai le Activist Award.
