E maualuga le silasila a le Tupu o Peretania, Salesa III i le taumafaiga a le autaalo a Niu Sila i le Olimipeka na se’i mavae atu nei ua ia viia ai lo latou taumafai, finau ma le tulaga maualuga o taumafaiga i taaloga i Paris.

E 20 pine na manumaloina e Niu Sila, e aofia ai ma auro e 10, 7 siliva ma le tolu apamemea.

I se tusi sa tuuina ane mai le Tupu o Salesa i le Kovana Sili o Niu Sila, Dame Cindy Kiro ua faailoa ane ai le agaga fiafia o le Tupu ma lana Masiofo o Camilla i le autaaalo.

Na faailoa o le tausaga lenei ua aupito tele ai ni pine auro ua maua e Niu Sila mai ia taaloga ma momoli foi lo la agaga faafetai i aiga ma uo ma atunuu atoa mo la latou tapua’iga.

Puna o Faamatalaga: https://www.nzherald.co.nz/sport/olympics/olympics-2024-king-charles-iii-praises-new-zealand-athletes-for-paris-games-success/STMBX6SRGRCFFM6K7SAW277R6M/