O le faalavelave tau taavale na feto’ai ai ni taavale se lua i le itu i Saute i Sisifo o Sini i le taeao analeila ua faamaonia mai e to’atasi ua maliu ai.
O le vaega o fesoasoani faavavave na valaau ane i Glenmore poo le lata i le 5 i le vaveao ina ua maua atu se alii sa faafoeina le isi taavale ua maliu i lea lava nofoaga.
O se isi alii ma se tamaitiiti i le isi taavale na manunu’a ma ave atu ai i le falema’i.
O loo faagasolo le su’esu’ega i le taimi nei ae na poloka ai foi feoa’iga i lea faaitu i le taeao analeila a o faatino le su’esu’ega.
O loo iai vaega o le alatele o loo tapunia pea ma o loo sa’ili e leoleo nisi e silafia ni faamatalaga i lenei faalavelave.
Puna o Faamatalaga: https://www.9news.com.au/national/man-dies-ute-crash-glenmore-sydney/8cf104f2-2128-40fb-be70-b1e1c0a0bfc8
