Ua papae nei le fua, ma ua papale ina ua tetele toga’atu. Ua logo i logo a le tapisa a le lauamanu, auā ua pepe le taumanu’ula e pei o le fetalaiga i le Malietoa. Ua to manū i lena tausaga i le sa’iliga malo mo le toe faafoi mai o le sitiseni NZ o Samoa sa soifua i le vaitau 1924 – 1948 a o pulea Samoa e NZ.
A lea ua ‘apia le faga o Aotearoa i tupu ma e’e, faletua ma tausi ua manuia i le sitiseni NZ ma ua alala nei i Aukilani. O le ala lea o le lāgā o so matou leo e valaau faaaloalo atu ai i lo outou paia. O le a faia la tatou faatasiga i le Aso Gafua, 7 Iulai 2025 i le Manurewa Sports Centre, Mountfort Park, 180 Weymouth Road, Manurewa i le 10am – 1pm.
Afifio ma talaaao mai se’i o tatou feiloa’i e lūlūlima ma faatalofa ma le susuga i le faipule ia Teanau Tuiono. O se avanoa e lē aumaua e pu’e ai so outou ata ma le faipule aemaise o toa sa tula’i mo Samoa. E manatua ai le tala ia Nafanua, ‘e gase toa, ae ola pule.’
Mo nisi faamatalaga, faafesoota’i mai le ASA Foundation (021) 618-042.
