O le asō lea e feiloai ai le Palemia o Ausetalia, Anthony Albanese ma le taitai o le Atu Solomona i Canberra ma ua ta’ua o lea feiloaiga o le a talanoa ai le mataupu e faatatau i se maliega ua sainia e le Atu Solomona ma Saina.
O Aperila na sainia ai lea maliega sa gugulu ai foi nisi o atunuu aemaise lava foi Ausetalia ona o le popolega nei faatu se nofoaga faamiliteli a Saina i le Atu Solomona.
A o lumanai ai lea feiloaiga sa faailoa ai e Albanese le tāua tele o le mafutaga a Ausetalia ma atumotu o le Pasefika.
O le mae’a ai o le fonotaga o le a talimalo ai le Palemia i se taumafataga ma le Palemia o le Atu Solomona, Manase Sogavare.
