Ua fautuaina minisita e su’e se isi pulega tutoatasi fou e vaaia vaa feoai i le sami a le Cook Strait, e suitulaga ai i le KiwiRail.
O fautuaga nei a le kulupu tutoatasi na faia i le amataga o le tausaga nei ina ua teena e le malo le talosaga a le KiwiRail mo nisi tupe faaopoopo.
Ua lipotia e le 1News o lea lipoti na faalilolilo ona faaleo atu i minisita i le masina talu ai, lea e sau ai fautuaga mo nisi vaa fou feoai i le sami ma le faiga e pulea ai.
O loo sau ai ma le tala o loo mafuli le lagolago a le lipoti i le faia o se isi pulega fou e vaaia vaa nei ina ia mafai ai pea ona iai se avanoa o le malo e ofi atu ai, ma o lona uiga afai ae ioe iai le malo o lona uiga o le a aveesea mai le KiwiRail lea ua leva tausaga o ia puleaina.
O lea lipoti o loo saofai nei i le Kapeneta mo isi sitepu i le agai i luma.
Puna o Faamatalaga: Ministerial group advises KiwiRail no longer run Cook Strait ferries (1news.co.nz)
